Todos empezamos a tremer cando un superpreguntón nos mira directamente aos ollos e abre a boca para dicir... Que hai de interesante no espazo? Por que se facían probas con monos? Que é a «carreira espacial»? O primeiro astronauta foi Tintín? Quen dixo a frase « Houston, temos un problema»? Que gasolina se utiliza para ir á Lúa? As naves espaciais teñen aseo? Como se sabe que hora é nunha estación espacial? Como se vive en ingravidez? Hai turistas no espazo? Foron coches a Marte? Existen os extraterrestres? Todo iso coa maneira de proceder dos Superpreguntóns, con preguntas incisivas e directas, contestadas cunha linguaxe sinxela por parte dun experto en astronomía e astronáutica.